माफ गर

निर्धक्क भएर  नौलो बिहानि सँग भलाकुसारी गर्दा 
उ मलाई दासी बनाउन चाहन्छ
जीवनको अर्धागिनी हैन
जुत्ता टल्काउने पालिस सोचेर
निर्दोश यो हृदयको भावलाई
बलत्कार गर्न चाहन्छ 

उ चाहन्छ सधैं 
बर्सो बर्ष सम्म
रातको सहयात्री बनोस्
सयौ लात सहने छाति बनोस्
बन्द कोठा भित्र सजिने 
एउटि महारानीको तस्वीर बनोस्
ए प्रियतम 
आँखा चिम्लेर हात्ती छाम्ने जमाना छैन
त्यसैले माफ गर 
म तिम्री अर्धागिनी बन्न सक्दिन

अर्थहिन तिम्रो यात्राको
म साक्षी बन्न सक्दिन
हिउको स्पर्समा बाधिएर
मुटुको टुकुचामा परेट खेल्न चाहन्न 
एकसरो जीवनको मस्त निन्द्रामा
लुट्पुटीएको बेला
बच्चा जन्माउने उपनाममा 
प्रियतम म रम्न चाहन्न 
सधैं अज्ञात बनी
निसन्देह 
म तिम्रो अपमानको झोला बोकेर
अनवरत दौडिन सक्दिन
किनकी
सुनौलो भबिस्यको परिकल्पना सँगै
स्वतन्त्रताको वोकालतमा लडिरहेकी म 
अन्जान यो बस्तिमा
एक्लै एक्लै
अदभुत सपना बोकेर
माफ गर
मेरा प्रियतम
म तिम्री अर्धागिनी बन्न सक्दिन ।

म आफ्नै दाहसंस्कार गर्नेछु

प्रतिक्षाको लामो समय पछि

एक रात  तिमि म संग हुनेछौ

जुन  रात  हामि

मन  भित्र को दोसहरुलाइ

नदि को स्वच्छ पानिले  बगाउनेछौ

कल्पनाको तिम्रो अंगालोमा हैन 

यथार्थताको गलैचामा धक फुकाएर

मेरो मुन्टो थन्काउने छु

त्यही रात हामी  माया को पोकाहरु फुकाउनेछौ

सुटुक्क कसैले नदेख्ने गरी 

तर

एउटा मात्र हाम्रो साक्षी हुनेछ

जुनली रात को मिठो मुस्कान

पलेटी कसेर बसेका मेरा दिनहरु

अझै पनि तिम्रा बाटाहरु कुरिरहेका छन

सुगन्धित अत्तरहरु

कोठाभरि अल्मलीएर बसिरहदा

तिमी आउने बाटा भरि 

ढकमक्क फुलेका ति रङी बिरङी फुलहरु

उत्ताउलियरा तछाड मछाड गर्दै 

तिम्रो स्वागत मा दौडनेछन  

आउ

तिम्रो र मेरो हृद्यको भावालाइ सम्बोधन गरौ

तिमी अझै दोधार मै छौ भने

यती मात्र बुझ्नु तिम्री  

स्पर्श मा मैले आनन्द को मोल खोजेको होइन 

मात्र एउटा यादको थुप्रो  थुपारेर  

सगै सगै जीवनका हिसाब किताब गर्नेछौ

त्यही रात

जीवनको पहिलो र आन्तिम भेट

हामी  इतिहासमा लेख्नेछौ

न हिजो न आज

भोलीलाई सलाम ठोकेर  

उहि  एक  रातको 

माधुर्य भेटको अन्तिम प्रहर

तिमी भन्दा धेरै टाढा 

धेरै पर कहिल्यै नभेट्ने गरी

म  आफ्नै दाहसंस्कार गर्नेछु

अलगधार

तिमीलाई भ्रम भए छ प्रिय

म सधैं 

तिम्रै आँखा वरिपरि डुलेर 

जीवन भित्र को जीवन खोज्न 

तल्लिन थिए 

तर 

आज तिम्रो प्रश्नले 

मलाई फेरी ब्युझाएको छ 

म त चाहन्थे

तिम्रो न्यानो काखमा लुटुपुटु गरेर 

आफ्नो सारा जीवन समाहित गरौ

अफसोच

अलग धारमा छौ 

हामी दुई 

आरोपै आरोप थुपार्दै

सरकार !

हिजो आज फेरी
बम बारुद को खेती
निकै मौलाउन थालेको छ
हत्या हिंसा बढेको बढै छ
सरकार ! अब तिम्रो पालो
होसियार हुनु
बम बारुद र हतियार तिम्रै पोल्टामा छ ।

नारि

नारि कहिले आर्थिक रुपले रेटिन्छे
कहिले पारिवारिक सम्बन्धमा चिसिन्छे
र फुत्कनै नसक्ने गरि
सामाजिक कुसस्कार मा जेलिंन्छे
फेरि उहि नारि
पटक-पटक
बेग्ला बेग्लै अबस्थामा
अलग-अलग परिधिबाट थिचिंन्छे
तर पनि उ नारी छे
खुशि छे
र त सबैको प्रिय छे सधै